அஜீத்தும் ஜெய்யும் .....

ஜெய்யும் சிம்புவும் நண்பர்கள். சிம்பு அஜீத்தின் தீவிர ரசிகர். அப்படின்னா ஜெய்? அவரும் அஜீத்தின் ரசிகராக இருந்தால்தானே இவர்கள் நட்பு நீடிக்க முடியும்? இந்த நட்பை நீடிக்க மட்டுமல்ல, நிஜமாகவே ஜெய்யும் அஜீத்தின் ரசிகர். நேரம் கிடைக்கும்போதெல்லாம் ஜெய்யை தன் வீட்டுக்கே அழைத்து பல மணி நேரம் பேசி மகிழ்கிற வழக்கம் அஜீத்திற்கு இருக்கிறது.

இந்த பேச்சு எது குறித்து இருந்திருக்கும் என்றெல்லாம் மண்டையை பிய்த்துக் கொண்ட அஜீத் ரசிகர்களுக்கு இப்போது நாம் சொல்லப் போகும் தகவலை கேட்டால், அப்படியா சங்கதி என்று புரிந்துவிடும். எங்கேயும் எப்போதும் படத்திற்கு பிறகு, சமீபத்தில் வந்திருக்கும் ராஜா ராணியிலும் செம அப்ளாஸ் வாங்கிவிட்டார் ஜெய். படமும் ஹிட். இந்த சந்தோஷங்களுக்கு நடுவே அவருக்கு இன்னொரு சந்தோஷமும் வந்திருக்கிறது. கார் ரேஸ்களில் கலந்து கொள்ள வேண்டுமென்றால் ஸ்பெஷலாக டிரைவிங் லைசென்ஸ் பெற்றிருக்க வேண்டுமாம். அந்த லைசென்சை இப்போது வாங்கிவிட்டார் ஜெய். (இப்ப புரியுதா, ஜெய்யும் அஜீத்தும் எது பற்றி பேசியிருப்பாங்க என்று?) விரைவில் ஒரு ரேசில் கலந்து கொள்ளும் முடிவில் இருக்கிறார் ஜே ஜே ஜேய்